Nataandak au gigina o tadau kaamatan KDCAL di ontok ko 16 Mei 2009 ie nakaanjul jam 9 doungosuvab om nopupusan gisom jam ko 6 minsosodop doiho hinominon SJK ( C ) Chi Wen.
Mogikaakavo o abaabazan nakapanau vookon nopo nga piboian sugandoi, nansakan om tiinumon koubasanan, pokitanan sazau koubasanan ie nimaan pokitanai tinimungan mantad Era budaya Papar. Kivaa nogi do pokitanan pakazan koubasanan tinau id Sabah.
Pinotimpuun di Dr.Harun Pudin lamai kaamatan dino do sabaagi ponovohi di YB Datuk Hj Yussof Hj Mahal. Notindapou do hobi kuang duvo ngoibu tuhun om abaabazan di kohimunduk nopo nga ie pomihian Unduk Ngadau Kaamatan. Kiginumu do 10 tuhun gavanus minibai om ie kahantoi nopo nga hansanon do Tanah Pisompuuvan Labuan doid piboian nazatan pogun Sabah do ko 31 Mei 2009 doid hinominon Hongkod KDCA Penampang. Ingkaa nogi ie nakahantoi koiso piboian sugandoi tu hansanon do Labuan doid piboian panataban sugandoi do ko 23Mei 2009 doid Hongkod KDCA Sabah ponoogi.
Markus Jikunan
Timbang Poniikon KDCAL
Posts
Badudun Kitani di Patau patau 2.
14 years ago
